Епіскап Маладзечанскі і Стаўбцоўскі Павел прыняў удзел у выбарах у Палату Прадстаўнікоў Нацыянальнага Сходу Рэспублікі Беларусь шостага склікання. Уладыка аддаў свой голас на Студэнцкім участку для галасавання, які размяшчаецца ва ўстанове адукацыі "Маладзечанскі дзяржаўны каледж".

6 верасня 2016 года адбыўся візіт мітрапаліта Мінскага і Заслаўскага Паўла, Патрыяршага Экзарха ўсяе Беларусі ў горад Маладзечна. Яго суправаджалі архімандрыт Сергій (Брыч), кіраўнік справамі Мінскай Экзархіі, і ігумення Яўгенія (Свірыдоўская), старшыня Ўзнагароднай камісіі Беларускага Экзархата. Уладыку Экзарха сустракаў і суправаджаў падчас візіту кіраўнік Маладзечанскай епархіяй епіскап Маладзечанскі і Стаўбцоўскі Павел.

11 жніўня 2016 года, у дзень памяці прападобнай Манефы Гомельскай, мітрапаліт Мінскі і Заслаўскі Павел, Патрыяршы Экзарх усёй Беларусі, мітрапаліт Чарнігаўскі і Ноўгарад-Северскі Амвросій, архіепіскапы: Віцебскі і Аршанскі Дзімітрый, Нежынскі і Прылукскі Ірыней, Гарадніцкі Аляксандр, вікарый Кіеўскай епархіі, епіскапы: Магілёўскі і Мсціслаўскі Сафроній, Брэсцкі і Кобрынскі Іаан, Гомельскі і Жлобінскі Стэфан, Бабруйскі і Быхаўскі Серафім, Тураўскі і Мазырскі Леанід, Барысаўскі і Мар'інагорскі Веніамін, Губкінскі і Грайваронскі Сафроній, Маладзечанскі і Стаўбцоўскі Павел, Лідскі і Смаргонскі Парфірый, Залатаношскі Іаан, вікарый Чаркаскай епархіі, Вяземскі і Гагарынскі Сергій, Клінцоўскі і Трубчэўскі Уладзімір здзейснілі Божую літургію ў Петра-Паўлаўскім кафедральным саборы горада Гомеля.

2 жніўня 2016 года, у дзень памяці прарока Іліі, мітрапаліт Мінскі і Заслаўскі Павел, Патрыяршы Экзарх усяе Беларусі, архіепіскап Наваградскі і Слонімскі Гурый, епіскап Барысаўскі і Мар'інагорскі Веніямін, епіскап Маладзечанскі і Стаўбцоўскі Павел, епіскап Лідскі і Смаргонскі Парфірый здзейснілі Божую Літургію ў Спаса-Праабражэнскім кафедральным саборы г.Слоніма.

30 ліпеня 2016 года епіскап Маладзечанскі і Стаўбцоўскі Павел наведаў з працоўным візітам храмы г.Вілейкі. Уладыку суправаджалі прадстаўнікі моладзевага аб'яднання Маладзечанскай епархіі на чале з кіраўніком аддзела Аксанай Паповай.

З благаславення епіскапа Маладзечанскага і Стаўбцоўскага Паўла ў рамках Праграмы супрацоўніцтва на 2016 год Беларускай Праваслаўнай Царквы і Міністэрствы культуры Рэспублікі Беларусь з 30 чэрвеня па 8 ліпеня 2016 года ў гарадскім пасёлку Івянец Валожынскага раёна прайшоў Міжнародны мастацкі пленэр "Святасць зямлі Беларускай", прысвечаны 900-годдзю смерці свяціцеля Міны, епіскапа Полацкага.

30 чэрвеня 2016 года, у чацвер 2-й сядміцы пасля Троіцы, у дзень святкавання Мар'інагорскай іконы Божай Маці, мітрапаліт Мінскі і Заслаўскі Павел, Патрыяршы Экзарх усёй Беларусі; архіепіскап Пінскі і Лунінецкі Стэфан; архіепіскап Наваградскі і Слонімскі Гурый; епіскап Магілёўскі і Мсціслаўскі Сафроній; епіскап Брэсцкі і Кобрынскі Іаан; епіскап Гомельскі і Жлобінскі Стэфан; епіскап Бабруйскі і Быхаўскі Серафім; епіскап Тураўскі і Мазырскі Леанід; епіскап Барысаўскі і Мар'інагорскі Веніямін; епіскап Маладзечанскі і Стаўбцоўскі Павел; епіскап Слуцкі і Салігорскі Антоній і епіскап Лідскі і Смаргонскі Парфірый здзейснілі Божую літургію ў Александра-Неўскім саборы горада Мар'іна Горка Мінскай вобласці.

27 чэрвеня ў Доме духоўнай асветы пры храме прападобнай Марыі Егіпецкай г.Вілейкі адбылося чарговае паседжанне Епархіяльнага савета Маладзечанскай епархіі пад старшынствам епіскапа Маладзечанскага і Стаўбцоўскага Паўла.

5 чэрвеня 2016 года, у Нядзелю 6-ю пасля Пасхі, пра сляпога, у свята прападобнай Еўфрасінні, ігуменні Полацкай, мітрапаліт Мінскі і Заслаўскі Павел, Патрыяршы Экзарх усяе Беларусі, архіепіскап Віцебскі і Аршанскі Дзімітрый, епіскап Гомельскі і Жлобінскі Стэфан, епіскап Барысаўскі і Мар'інагорскі Веніямін, епіскап Маладзечанскі і Стаўбцоўскі Павел здзейснілі Божую літургію ў Крыжаўздвіжанскім саборы Спаса-Ефрасіннеўскага жаночага манастыра горада Полацка.

18 мая 2016 года ў Зале царкоўных сабораў кафедральнага саборнага Храма Хрыста Збавіцеля ў Маскве Свяцейшы Патрыярх Маскоўскі і ўсяе Русі Кірыл ўзначаліў шостую цырымонію абрання і ўзнагароджання лаўрэатаў Патрыяршай літаратурнай прэміі імя святых роўнаапостальных Кірыла і Мяфодзія.